دمشق9؍نومبر(ایس او نیوز ؍آئی این ایس انڈیا)امریکی سربراہی میں اتحادی ممالک کی فضائیہ کی طرف سے شام میں فضائی حملے کے نتیجے میں16سویلین ہلاک ہو گئے ہیں۔ہلاک ہونے والوں میں ایک بچہ بھی شامل ہے۔ شام کے حالات پر نظر رکھنے والی تنظیم سیریئن آبزرویٹری فار ہیومن رائٹس کے مطابق داعش کے مضبوط گڑھ الرقہ کے قریب ایک گاؤں میں یہ فضائی حملہ گزشتہ رات کیا گیا۔ یہ گاؤں داعش کے جنگجوؤں کے قبضے میں ہے اور امریکی حمایت یافتہ سیریئن ڈیموکریٹک فورسز اس کا کنٹرول حاصل کرنے کی کوشش میں ہیں۔کُرد عرب اتحاد کے ایک ترجمان جیہان شیخ نے سویلین ہلاکتوں کی خبر کی تردیدکی ہے۔